| پائيزمْ زَرد وُ خِزوُ / باروُ مي وارهَ |
تيلهَ رهَ مِنا سي حَج / شهيد هِزارهَ |
| نَنگتِ با آلِ سِعوُد / توُ مِيموُ داري |
نهَ دوُسي نهَ دُشمني/ نهَ دَس بِراري |
| چَن كشوَر داغداركِردي / هيچ ني خيالِت |
هيچ كَسْ دِ پا نَبوُنهَ / وِ دَرِ مالِت |
| قاتلِ چَن هِزاري / حاجيِ فَقير |
گُنا شوُ دِ گَردِنِت /چي قُفل وُ زَنجير
|
| تاج وُ تَخَتِت بَسوُزيهَ / بوُوهَ وِ خاكسَر |
عزيز خانواديان / كِردِيهَ پَر پَر |
| پادشاهي چنينهَ / مِيموُ بَكُشي |
بِماركي ديهَ دِتشنيت/ بِيري ناخوُشي |
| وُ لوُدِر بار بَكني / تريلي بوُ رهَ |
دِ قُرآن نوشتهَ ني/ دِ كوُمي سوُرهَ |
| تا اَبد وِ دَر حوُنَت / ايي نَنگ بَموُنهَ |
ايي خُدا حَق مَردِموُن / دِ توُ بَسوُنهَ |
| نوشتمْ داغِ دِلمْ / پادشاه سِعوُدي |
بوُغل وُ كينهَ پُردِلِت /خيلي حَسوُدي |
| ماموُريات چَكمهَ دِ پا / شمرِ زِموُنهَ |
كي ديهَ لَشِ حاجي / زِمي بَموُنهَ
|
